Քարվաճառում վթարի ենթարկված 15 պայմանագրային զինծառայողներից 6-ը ՊՆ կենտրոնական կայազորային հոսպիտալի վերակենդանացման բաժանմունքում են: Նրանց առողջական վիճակը կայուն է:
Այս մասին «Առաջին լրատվական»-ի հետ զրույցում տեղեկացրեց ՀՀ ՊՆ մամուլի խոսնակ Արծրուն Հովհաննիսյանը: Նրա փոխանցմամբ` կայուն ծանր է միայն պայմանագրային զինծառայողներից Սանասար Գոմցյանի վիճակը: «Մնացածի վիճակը կայուն է, վատ չէ, բուժվում են»,- հստակեցրեց Արծրուն Հովհաննիսյանը:
Հիշեցնենք, որ երկու օր առաջ Լեռնային Ղարաբաղի Քարվաճառի շրջանում պայմանագրային զինծառայողներ տեղափոխող «Ուրալ» մակնիշի մեքենան վթարի էր ենթարկվել, որի հետևանքով մահացել էին 3 պայմանագրային զինծառայող և ավտոմեքենայի վարորդը, ևս 15-ը մարմնական վնասվածքներ էին ստացել: Նրանք նախորդ օրը տեղափոխվել են ՀՀ ՊՆ կենտրոնական կայազորային հոսպիտալ: Վիրավորված 15 զինծառայողներն են՝
1. Ավետիսյան Կարեն Կամոյի
2. Գևորգյան Գևորգ Մնացականի
3. Եղիազարյան Վարազդատ Գարեգինի
4. Եղիազարյան Արթուր Գարեգինի
5. Զաքարյան Սարգիս Ռուստամի
6. Մուրադյան Արման Մանվելի
7. Խաչատրյան Մանուկ Լևուշի
8. Խաչատրյան Էդիկ Ռաֆիկի
9. Մնացականյան Աշոտ Կոլյայի
10. Թալոյան Բաբկեն Գուրգենի
11. Երեմյան Մխիթար Վալերիկի
12. Գոմցյան Սանասար Ռոբերտի
13. Հարությունյան Դավիթ Ռաֆիկի
14. Հովհաննիսյան Կարեն Հրաչիկի
15. Սահակյան Արմենակ Լիպարիտի:
Դեպքի առնչությամբ հարուցվել է քրեական գործ:
