17-ամյա դպրոցական Նիկ դ՛Ալոզիոն (Nick D’Aloisio) Մեծ Բրիտանիայի ներդրողներից ստացել է 1 մլն դոլար iPhone-ի նորացված հավելվածի մշակման համար:
Ծրագրի նախատիպը, որը թույլ է տալիս համակարգել ու սեղմել օրվա լուրերը մինչև 400 նշան, նա ներկայացրել էր դեռ մեկ տարի առաջ, սակայն գործարկել է միայն հիմա:
2011թ. նոյեմբերին նախատիպի մշակման համար տրամադրվել էր շուրջ 300 հազար դոլար, իսկ հավելվածը՝ բեռնվել 150,000 անգամ: Դրա հաջողության շնորհիվ հավելվածի մշակմանը միացան նաև լոնդոնյան փորձագետները ու Սթենֆորդի հետազոտական ինստիտուտը: Նիկը նոր ծրագրի գործարկման ժամանակ ստիպված էր նույնիսկ ժամանակավորապես դպրոց չհաճախել:
Ընդ որում՝ ներդրումային 1 մլն դոլար բոնուսը, որը տղան ստացել է հոկտեմբերի վերջին, թույլ է տվել պաշտոնապես գործարկել Summly-ն: Տվյալ հավելվածը ինտերնետ-բրաուզեր չէ, այն ներառում է լուրերի հայտնի կարգեր, այնպիսիք, ինչպիսիք են բիզնեսը, արվեստը, դիզայնը, անգամ 2012թ. ընտրությունները: Քանի որ երկար հոդված կարդալը հեռախոսով անհարմար է, ապա ծրագիրն ավտոմատ սեղմում է տեքստը մինչև 400 նշան, ընդ որում` իմաստը չի փոխվում:
