Իրանական Press TV-ի փոխանցմամբ` Իրանում ստեղծվել է աշխարհում առաջին անօդաչու թռչող սարքը (ԱԹՍ)` Liko-ն, որը չի պահանջում թռիչքուղի, քանի որ ուղղահայաց է վեր բարձրանում և վայրէջք կատարում:
Այս մասին հայտարարել է ԱԹՍ-ների կառուցման գծով փորձագետ Աբաս Ջամը: Վերջինիս խոսքերով` ԱԹՍ-ի փորձարկումն իրականացվելու է այսօր, իսկ շնորհանդեսը տեղի է ունենալու Իսլամական հեղափոխության հաղթանակի 34-ամյակին:
Liko ԱԹՍ-ն կարող է 100 կիլոգրամ բեռ փոխադրել 100 կիլոմետր հեռավորության վրա: Այս ԱԹՍ-ի քաշը կազմում է 53 կիլոգրամ, այն ունակ է վեր բարձրանալ մինչև 16,000 ֆուտ և օդում գտնվել 3.5 ժամ:
