Թուրքական Anadolu լրատվական գործակալության փոխանցմամբ` Թուրքիայի մշակույթի և զբոսաշրջության նախարար Էրթուղրուլ Գյունայն Անկարայում հանդիպել է Արաբական պետությունների լիգայի զբոսաշրջային կազմակերպության ղեկավար Բանդար Ֆահադ ալ-Ֆեհաիդի հետ:
Հանդիպումից հետո լրագրողների հետ զրույցում Գյունայը հայտարարել է, որ նախորդ տարի Բուրսա քաղաքում տեղի է ունեցել շատ կարևոր հանդիպում, որին մասնակցել են արաբական աշխարհի ներկայացուցիչները: Նա հավելել է, որ այդօրինակ խորհրդակցությունների անցկացում պլանավորված է նաև այս տարի` ընդգծելով, որ այն կայանալու է Ստամբուլում և միտված է Թուրքիայի զբոսաշրջային ոլորտի զարգացմանը:
Գյունայի խոսքերով` իրենք հատուկ ուշադրություն են հատկացնում արաբ զբոսաշրջիկներին Թուրքիայի սևծովյան շրջաններ ներգրավելու հարցի վրա:
Ալ-Ֆեհադին իր հերթին հայտարարել է, որ արաբական երկրները պատրաստ են զբոսաշրջային ոլորտում հարաբերությունների զարգացմանը` հավելելով, որ Ստամբուլում և Բուրսայում պետք է բացել զբոսաշրջության դիվանագիտական ներկայացուցչություններ:
