Չինական Վենչժոու քաղաքում արգելել են 200 հոգուց ավել մարդ հրավիրել ընտանեկան արարողություններին և դրամական նվերներ ընդունել: Ինչպես նաև արգելվել է ծառայողական մեքենաներն անձնական նպատակներով օգտագործել:
Այսպես, պետական ծառայողները չեն կարող հարսանիքներին, թաղումներին և ծննդյան տոներին հրավիրել իրենց աշխատակիցներին կամ բոլոր նրանց, ովքեր կարող են ինչ-որ ազդեցություն ունենալ իրենց աշխատանքի վրա: Սպասվող կարևոր ընտանեկան իրադարձությունների մասին պետական ծառայողները պետք է տեղեկացնեն տասն օր առաջ:
Դիտորդների կարծիքով՝ այս նոր օրենքն ուղղված է պետական ծառայողների կաշառակերության դեմ: Չինաստանում տարբեր ընտանեկան իրադարձությունների առթիվ ընդունված է դրամական նվերներ տալը: Իշխանությունների կարծիքով՝ այս նվերների տեսքով շատ պաշտոնյաներ կաշառք են վերցնում:
Արգելքն ուժի մեջ կմտնի 2013 թվականի հունվարի 1-ից:
