Նավթային հսկա Exxon Mobil-ի մասին Ստիվ Քոլի «Մասնավոր կայսրություն. Exxon Mobil-ն ու Ամերիկայի հզորությունը» գիրքը նվաճել է Տարվա լավագույն գործարար գիրք մրցանակը, որը սահմանել են Financial Times թերթն ու Goldman Sachs բանկը: Այս մասին հայտնում է Financial Times-ը:
«Գիրքն այն մասին է, թե ինչպես է 21-րդ դարում տեղի ունենում գլոբալ ընկերության ղեկավարումը, և թե ինչպես են դասավորվում հարաբերությունները բիզնեսի և հասարակության միջև»,- նշել է ժյուրիի անդամ, հայտնի ֆինն գործարար Յոմա Յաակո Օլիլան:
Թերթը նշում է, որ այս տարի մրցույթում մրցակցության մակարդակը եղել է առավել բարձր, քան երբևէ: Եզրափակիչ փուլ է դուրս եկել 6 գիրք, այդ թվում՝ անցած տարի կյանքից հեռացած Apple-ի ղեկավար Սթիվ Ջոբսի կենսագրականը:
Հաղթողը, հատուկ վկայականից բացի, ստացել է 48 հազար դոլար դրամական պարգև:
