Ռուսական ВЗГЛЯД թերթի փոխանցմամբ՝ Ռուսաստանի հետ հարաբերությունների կարգավորման գծով Վրաստանի վարչապետ Բիձինա Իվանիշվիլիի հատուկ ներկայացուցիչ Զուրաբ Աբաշիձեն այսօր առաջին խորհրդակցությունն է անցկացնելու իր մանդատի շրջանակներում:
Այսօր նա հանդիպելու է Վրաստանի գյուղատնտեսության նախարար Դավիթ Կիրվալիձեի հետ: Վրաստանի գյուղատնտեսության նախարարությունը շահագրգռված է, որ վրացական գինին, հանքային ջուրը և գյուղատնտեսական արտադրանքը հնարավորինս շուտ վերադառնան Ռուսաստան, որը այդ ամենի վրա բեռնարգելք է դրել դեռևս 2006 թվականին:
Վրաստանի գյուղատնտեսության նախարարությունը պատրաստ է ընդունել ռուս փորձագետներին՝ արտադրանքի որակի ստուգման համար:
