ԱՄՆ-ում հեռահաղորդակցման ընկերությունների կորուստը «Սենդի» փոթորկի հետևանքով հաշվվում է մի քանի հարյուր միլիոն դոլար` հաղորդում է Reuters-ը` հղում կատարելով Barclays բրիտանական բանկին: Վնասի ընդհանուր ծավալը կազմում է 550-600 մլն դոլար: Ամենաշատ տուժածների թվում են կապի օպերատոր Verizon Communications-ը և Cablevision Systems Corp-ը: Զգալի կորուստներ կկրեն նաև բջջային կապի AT&T օպերատորը, մալուխային Time Warner Cable ցանցը և Sprint Nextel-ը:
Ընկերության հիմնական ծախսերը կապված են լինելու տեխնիկայի վերականգնման և փոթորկի կողմից ոչնչացված նոր ցանցերի տեղակայման հետ:
Verizon-ը հայտարարել է, որ ընկերության ծառայությունները բոլոր հաճախորդների համար հասանելի կլինեն երկու շաբաթից: Barclays-ը Verizon-ի կորուստը գնահատում է 306 մլն դոլար:
Cablevision Systems Corp.-ի վնասը կկազմի 36 մլն դոլար:
