Google ընկերությունը թարմացրել է իր քարտեզագրական հավելվածները iOS և Android բջջային օպերացիոն համակարգերի համար՝ թույլ տալով մենյուի միջոցով պահել քարտեզի տարբեր հատվածները՝ օֆլայն ռեժիմում կիրառման համար, նաև թույլ է տալիս դրանցից յուրաքանչյուրին անվանումներ տալ: Այս մասին ասվում է Google-ի պաշտոնական բլոգում:
Մինչ օրս Google Maps-ի հավելվածներում եղել է քարտեզի հատվածները պահելու հնարավորություն՝ օֆլայն աշխատանքի համար, սակայն դրա համար անհրաժեշտ էր որոնման դաշտում գրել՝ ОК Maps արտահայտությունը, ինչի մասին ոչ բոլոր օգտատերերն են իմացել:
Եվս մեկ նորարարություն է դարձել հուշումը վարորդին այն մասին, թե երթևեկության որ գոտիով ընթանա՝ շրջադարձը բաց չթողնելու համար: Սակայն այդ գործառույթը հասանելի է դեռևս միայն ԱՄՆ-ում, Կանադայում և Ճապոնիայում:
Թարմացված հավելվածներում մեծ ուշադրություն է դարձվում խորհրդատվական գործառույթներին: Նոր ֆիլտրերի օգնությամբ օգտատերերը կարող են ռեստորան կամ հյուրանոց ընտրել՝ ըստ աշխատանքային ժամերի, գնային կատեգորիաների, վարկանիշի և այլն:
Եվ վերջապես, Google Maps-ի թարմացված հավելվածներում բարելավվել է գնացքով ուղևորություն կատարելու հնարավորությունը:
