Բելառուսական «Հանուն ազատության» ընդդիմադիր շարժումը տեղի իշխանություններին կոչ է արել արգելել Գեորգիևյան ժապավենների բաժանումն ու կիրառումը հասարակական վայրերում: Այս մասին ասվում է կազմակերպության կայքում:
Ընդդիմադիրները հայտարարում են, որ այդ ժապավենները գնալով ավելի քիչ են ասոցացվում նացիզմի և ֆաշիզմի դեմ Հաղթանակի օրվա հետ: Այն ավելի շատ դառնում է ռուսական իմպերիալիզմի խորհրդանիշ: «Ուկրաինայում տեղի ունեցած վերջին իրադարձություններից հետո այն միանշանակ ունի նոր բացասական իմաստ՝ որպես անջատողականության և ռազմական ագրեսիայի փառաբանում»,- հայտարարել են ընդդիմադիրները:
Շարժման ներկայացուցիչները բելառուսցիներին նաև կոչ են արել այդ ժապավենները չկրել մայիսի 9-ին՝ ի նշան Ուկրաինայի զորակցության:
Ուկրաինայի տարածքում Գեորգիևյան ժապավենները վերջին ամիսներին ասոցացվում են ռուսամետ տրամադրություններով ակտիվիստների հետ:
