2014 թվականի առաջին եռամսյակում Ուկրաինան ներկրել է 6 մլրդ խորանարդ մետր գազից փոքր-ինչ ավելի, ինչը մոտ 14 տոկոսով քիչ է անցած տարվա նույն ժամանակահատվածի համեմատ: Երկրի տարածքով վառելիքի տարանցումը կրճատվել է 8.3 տոկոսով՝ հասնելով 18.6 տոկոսի: Այս մասին հայտնում է Ուկրաինայի էներգետիկայի և ածխարդյունաբերության նախարարությունը:
Երկրի ներսում գազի սպառումը նվազել է 12 տոկոսով՝ կազմելով 18 մլրդ խորանարդ մետր:
Նախարարությունում ընդգծել են, որ վիճակագրական տվյալները հաշվի չեն առնում «Չեռնոմորնեֆթեգազ» ընկերության ցուցանիշները: Մարտի վերջին ընկերությունն ազգայնացվել էր Ղրիմի իշխանությունների կողմից:
Ռուսաստանի էներգետիկայի նախարարության տվյալներով՝ ռուսական գազի մատակարարման դիմաց Ուկրաինայի պարտքը կազմում է մոտ 3.5 մլրդ դոլար: Պարտքն ապրիլին ավելացել է 1.3 մլրդ դոլարով:
