Առողջապահության ծախսերը հաջորդ տարի կկազմեն 70 մլրդ 276 մլն դրամ: Ինչպես այսօր ԱԺ առողջապահության, մայրության և մանկության ու ֆինանսավարկային և բյուջետային մշտական հանձնաժողովների համատեղ նիստում ներկայացրեց ֆինանսների փոխնախարար Պավել Սաֆարյանը, ծախսերի աճը 2012 թ. բյուջեի համեմատ կազմում է 5 մլրդ 105 մլն դրամ կամ 7.8 տոկոս:
Ըստ փոխնախարարի՝ արտահիվանդանոցային ծառայություններին նախատեսվում է հատկացնել 23 մլրդ 910 մլն դրամ` 107.5 մլն դրամով ավելի, քան 2012 թվականին է:
Նախատեսվում է տասներեք ծրագրերի իրականացում:
Պ. Սաֆարյանը հայտնեց, որ հիվանդանոցային ծառայությունների գծով նախատեսվում է հատկացնել 27 մլրդ 256 մլն դրամ` 2012 թվականի համապատասխան ցուցանիշից 175.3 մլն դրամով ավելի: Այստեղ ևս նախատեսվում են տասներեք ծրագրեր:
Լուսանկարը՝ PanARMENIAN Photo-ի
