Շուտով կվերահրատարակվի կոմունիստների ժամանակվա սիրելի թերթերից մեկը` «Երեկոյան Երևանը»: Այն առանձնանում էր մտերմիկ, տաքուկ երևանյան տոնայնությամբ և նրանով, որ տպվում էր երեկոյան ժամերին: Ըստ «Հրապարակ»-ի` լուրեր են շրջում, թե նոր թերթը լրացնելու է նախագահականին մերձ մամուլի տեսականին: Թե ով է լինելու գլխավոր խմբագիրը, դեռ պարզ չէ: Ինչ-որ առնչություն է ունենալու խմբագրական աշխատանքներին կամ հենց խմբագիրն է լինելու հանրությանն առայժմ անհայտ Տիգրան Արորդի Պետրոսյանը:
«Cлyхи paзносятся моментально»,- պատասխանեց նա «Հրապարակ»-ին, երբ թերթը պարզաբանումներ խնդրեց նրանից:- ժամանակից առաջ չընկնենք, վերահրատարակման մասին դեռ շուտ է խոսել: Մի խումբ մարդ ցանկություն ունի վերակենդանացնել թերթը, բայց դեռ փորձնական համար է լույս տեսնելու: Այնուհետև պարզ կըլնի: Իմ առնչությունն էլ այնքանով է, որ ես առաջարկեցի մի քանի թեմա, որոնց շուրջ կարելի է գրել, որոնք ընդունվեցին: Ինձ համար այն էր կարևորը, որ ազատամիտ մոտեցում է: Այս բանի մասին չի կարելի թերթում խոսել կամ հակառակը` կարելի է, չկա: Դեռ որ այսքանը»: Հարցին, թե սա ում նախաձեռնությունն է, Արորդին խուսափողական պատասխան տվեց. «Ամեն ինչ` իր ժամանակին: Տեխնիկական հարցերն ընթացքում են: Ուղղվածությունը չգիտեմ ինչպիսին էր, համեմատել չեմ կարող»:
