Street View ծառայությունը, որը թույլ է տալիս «զբոսնել» մեծ քաղաքների փողոցներով, թողարկվել է 2007 թ.: Հինգ տարվա ընթացքում Google-ը թվայնացրել է 3000 քաղաք` 43 պետություններում: Նախագիծի լայն մասսայականությունը ոգեշնչում է բազմաթիվ լուսանկարիչների և գեղանկարիչների:
Հատուկ «Գուգլոմոբիլները» և այլ սարքեր անցել են ավելի քան 5 միլիոն կմ տարբեր ճանապարհներով` արձանագրելով այն ամենը, ինչը հանդիպել է ճանապարհին: Street View-ում են հայտնվել նույնիսկ մոլորակի ամենահեռավոր անկյունները, օրինակ՝ Անտարկտիդան:
Նկարների հսկայական արխիվը մի ամբողջ աշխարհ է ստեղծել, որը նպաստել է լուսանկարիչների մի նոր սերնդի ձևավորմանը: Քննադատները բողոքում են, որ լուսանկարիչներն ավելի ու ավելի շատ են սկսել օգտագործել Street View ծրագրում տեղ գտած լուսանկարներն իրենց աշխատանքներում: Նկարների իմաստն այն է, որ օգտվողներին ցույց տրվի այն վայրերը, որոնք նրանք պետք է այցելեն: Այս լուսնկարները մեկնաբանություններ չեն տալիս տեղանքի մասին, ոչինչ չեն փոխում, այլ ամեն ինչը ցույց են տալիս այնպիսին, ինչպիսին կա:
Լուսանկարներն իրականացվում են ռոբոտների կողմից, որոնք չգիտեն ինչ է արվեստը: Լուսանկարիչները Street View–ի նկարներին գեղարվեստական արժեք են հաղորդում, նրանք մանրամասն ընտրում են նկարները և մշակում են դրանք 1000-ավոր միջոցներով:
«Անմշակ վիճակում այս լուսանկարները շատ անհրապույր են։ Ես կտրատում եմ լուսանկարները, նրանց վրա ավելացնում եմ տարբեր ձևեր, մանրուքներ ու գույներ: Դրանք վերափոխվում են այլ՝ ավելի հրաշալի ստեղծագործության: Ես վստահ եմ՝ տասը տարուց Street View-ի հիման վրա արված լուսանկարները նույնչափ հայտնի կդառնան, ինչպես դասական լուսանկարները»,– նշում է Միշկա Խեները, ով իր արվեստում օգտագործում է Street View-ի լուսանկարները:
Street View-ի լուսանկարների վերամշակումներից արդեն հայտնի լուսանկարիչները ցուցահանդեսներ են կազմակերեպել Նյու Յորքի ժամանակակից արվեստի թանգարանում:
Google-ի նյութերը որպես հումք օգտագործողների թիվը աստիճանաբար ավելանում է:
