Կանանց Cosmopolitan ամսագրի բրիտանական հրատարակությունը Ultimate Women of The Year մրցանակով է պարգևատրել տարվա լավագույն կանանց: Այս մասին հայտնում է The Daily Mail-ը: Միջոցառումը, որին մասնակցել են շոու-բիզնեսի, սպորտի, երաժշտության և հեռուստատեսության ոլորտի ներկայացուցիչները, կայացել է հոկտեմբերի 30-ին` Լոնդոնում:
Պարգևի արժանացողների թվում է եղել Օզի Օսբորնի դուստրը՝ Քելին, որին համարել են «Ոճի սրբապատկեր»: Անձամբ 28-ամյա երգչուհի, դերասանուհի և սկսնակ դիզայներ Քելին խոստովանել է, որ նման պատվավոր պարգևի չէր սպասում:
Մրցանակներ են հանձնվել նաև փոփ երգչուհի Շերիլ Քոուլին («Տարվա փոփ-աստղ»), քույրեր Քիմ, Քորթնի և Քլո Քարդաշյաններին («Ինքնավստահության և խիզախության թագուհիներ»), թեթևատլետ Ջեսիկա Էնիսին («Տարվա օլիմպիական մարզուհի») և այլոց:
Cosmopolitan-ը մրցանակներ է հանձնել նաև տղամարդկանց: Մրցանակների են արժանացել One Direction խմբի մասնակիցները՝ որպես տարվա լավագույն տղամարդիկ, իսկ որպես տարվա ամենասեքսուալ տղամարդ պարգևատրվել է մարմնամարզիկ Լուիս Սմիթը:
