Չնայած, որ Թոմ Քլևերլին վերջին շրջանում հիանալի խաղ է ցուցադրում, «Մանչեսթեր Յունայթեդ»-ի գլխավոր մարզիչ Ալեքս Ֆերգյուսոնը ցանկանում է առաջիկա տրանսֆերային պատուհանի ժամանակ ուժեղացնել թիմի կիսապաշտպանությունը:
«Կարմիր սատանաներ»-ի գլխավոր մարզիչը ցանկանում է թիմ հրավիրել Լևերկուզենի «Բայեր»-ի կիսապաշտպան Լարս Բենդերին: Լևերկուզենյան ակումբի կազմում հաջող խաղի համար Բենդերը Գերմանիայի հավաքականի կազմում մասնակցեց «Եվրո-2012»-ին և կարողացավ գոլ խփել իր ազգային ընտրանու կազմում՝ խաղալով աջ պաշտպանի դիրքում:
Թե՛ Բունդեսլիգայի, թե՛ «Եվրո-2012»-ի խաղերում Բենդերի խաղին տրիբունայից հետևում էին «Յունայթեդ»-ի սկաուտները: Բենդերի ծառայություններով հետաքրքրվում է նաև Մյունխենի «Բավարիա»-ն, որը 2012թ ամառային տրանսֆերային պատուհանի ժամանակ չկարողացավ իր կազմ հրավիրել կիսապաշպանին:
