ԱՄՆ-ի 3 քաղաքների 5 բնակիչներ բանկային խարդախությունների սխեմայում մասնակցության հարցում իրենց մեղքը չեն ընդունել: Փասադենայի բնակիչ, 33-ամյա Ասատուր Ասատրյանը, Գլենդելի բնակիչներ, 53-ամյա Հիլդա Հախվերդյանը և 30-ամյա Արա Հարությունյանը, 24-ամյա Արթուր Հարությունյանը, 59-ամյա Սերյոժա Հարությունյանը ավելի քան 1 միլիոն դոլարի յուրացման մեջ մեղադրվող 14 անձանց շարքում են: Տուժող կողմ է հանդիսացել Citibank-ը: Այս մասին հայտնում է Gledale News Press-ը:
Սխեմայի ենթադրյալ կազմակերպիչը՝ Ֆիլմորի բնակիչ, 29-ամյա Արա Քեշիշյանը, դավադիրների խումբ է հավաքել՝ Citibank-ում իրենց անուններով հաշիվ բացելու համար: Համաձայն մեղադրական ակտի՝Քեշիշյանը նրանց փողի «սերմեր» է տվել, յուրաքանչյուրին՝ 9-10 հազար դոլար՝ իրենց բանկային հաշիվներում ներդնելու համար:
Միաժամանակ գումարը ներդնելով՝ նրանք այցելել են Հարավային Կալիֆոռնիայի և Նևադայի խաղատներ և օգտագործել իրենց քարտերը՝դուրս բերելու գումարը խաղատների ոլորտում գործունեություն իրականացնող Global Cash Access-ից: Citibank-ի հաշիվների անվտանգության ապահովման ծառայությունում նրանք «հրակնատ» են գործի դրել՝ 60 վայրկյանում բազմաթիվ կանխիկացումներով:
Սխեման գործել է 2009-ի մայիսից 2010-ի հունվար:
Ասատրյանն ու Գլենդելի նրա մեղսակիցները դատապարտվել են 5 տարվա ազատազրկման և 250 հազար դոլար տուգանքի:Բըրբենքի բնակիչ, 37-ամյա Սարգիս Մուշիդյանը նույնպես մեղավոր է ճանաչվել սխեմային մասնակություն ունենալու մեջ: Նրան 20 հազար դոլար գրավի և անձնագրի հանձնման դիմաց ազատ են արձակել:
Ամբաստանյալները Սան Դիեգոյի շրջանային դատարան կվերադառնան հաջորդ ամիս: