«Սենդի» փոթորիկն ամենաշատ կյանք է խլել Նյու Յորքի նահանգում

ԱՄՆ-ում և Կանադայում «Սենդի» փոթորկի զոհ է դարձել 48 մարդ:

Ներկա դրությամբ փոթորիկը տեղաշարժվում է Փենսիլվանիա նահանգով և մոտենում է Փիթսբուրգ քաղաքին: Քամու արագությունը կազմում է 72կմ/ժ: Համաձայն օդերևութաբանների կանխատեսումների` տարերքն այնուհետև կշարժվի դեպի հյուսիս և ամբողջ ուժով կհարվածի Կանադային:

Ավելի վաղ հայտնում էին 34 զոհերի մասին՝ ամենաշատ զոհերը Նյու Յորք նահանգում:

Մարդկանց մեծամասնությունը զոհվել է, որովհետև նրանց տների և ավտոմեքենաների վրա ծառեր են ընկել: