«ԱրմենՏել» ընկերությունը (ապրանքանիշը Beeline), էքստրեմալ սպորտի «Ադրենալին» ասոցիացիան և STR սպորտային ակումբն ամփոփեցին անցած կիրակի Երևանում տեղի ունեցած «BeeCross 2012» ավտոքրոսի հանրապետական մրցույթի արդյունքները:
Երևանի Նուբարաշենի հրաձգարանի տարածքում հատուկ պատրաստված օղակաձև մայրուղում միմյանց հետ մրցում էին 14 թիմ, իսկ մրցույթի ընթացքին հետևում էին ավելի քան 2000 հանդիսատես Երևանից և Հայաստանի տարբեր մարզերից: Ավտոքրոսի մրցույթի հանձնաժողովը նախագահում էր ավտոմոբիլային սպորտի վաստակավոր վարպետ Միշա Սիրադեղյանը:
Համաձայն անվտանգության միջազգային նորմերի մասնակիցները մրցույթին մասնակցում էին անվտանգության կարկաս ունեցող ավտոմեքենաներով: Մասնակիցներից յուրաքանչյուրը հաղթանակի համար պայքարում էր օլիմպիական համակարգով` երեք անգամ անցնելով 1,3կմ երկարություն ունեցող մայրուղին: Հինգ ժամ պայքարից հետո հաղթողներրը որոշվեցին հետևյալ կերպ. ավտոմեքենաների «А»դասում (շարժիչի ծավալը ոչ ավել քան 1,6 լիտր) Honda Civic Type-R մակնիշի մեքենայով առաջին տեղը գրավեց արհեստավարժ մարզիկ Անդրանիկ Հարությունյանը:
Ավտոմեքենաների «В»դասում (շարժիչի ծավալը ոչ ավել քան 2,0 լիտր) հաղթող ճանաչվեց արհեստավարժ վարորդ Արթուր Հարությունյանը, ով մասնակցեց մրցույթին ВАЗ 2105 մակնիշի մեքենայով: «С» դասում (շարժիչի ծավալը 2,0 լիտրից ավել) հաղթող ճանաչվեց վարորդ-սիրահար Արսեն Մանուկյանը, ով հանդես եկավ Subaru Impreza մակնիշի մեքենայով:
Մրցույթի բոլոր հաղթողները ստացան նվերներ էքստրեմալ սպորտի «Ադրենալին» ասոցիացիայի և միջոցառման գլխավոր հովանավոր «ԱրմենՏել» ընկերության կողմից:
«ԱրմենՏել» ընկերության անունից շնորհավորում եմ հանրապետական ավտոքրոս մրցույթի հաղթողներին: Ցանկանում եմ նշել, որ իմ կողմից ղեկավարած ընկերությունը մեծ ուշադրություն է դարձնում սպորտին և երիտասարդությանը: Հետևելով կյանքն ավելի վառ դարձնելու սկզբունքին` մենք ուրախ ենք վարորդներին ընձեռել ևս մեկ հնարավորություն փորձելու իրենց ուժերն, իսկ ավտոքրոսի սիրահարներին և հանդիսատեսներին պարգևել անմոռանալի տպավորություններ և դրական տրամադրություն», – նշեց «ԱրմենՏել» ՓԲԸ Գլխավոր տնօրեն Իգոր Կլիմկոն:
«Այս միջոցառման կազմակերպումն ու իրականացումը ևս մեկ անգամ ապացուցում է, որ սպորտի «Ադրենալին» ասոցիացիան հավատարիմ մնալով իր սկզբունքին շարունակում է զարգացնել էքստրեմալ սպորտաձևերը Հայաստանում: Երկարատև դադարից հետո մեզ հաջողվեց բարձր մակարդակի վրա կազմակերպել ավտոքրոսի մրցություն` ադրենալինի մեծ չափաբաժին պարգևելով ոչ միայն մարզիկներին այլ բոլոր ներկա գտնվողներին», – նշեց Էքստրեմալ սպորտի «Ադրենալին» ասոցիացիայի նախագահ Արտաշես Ստեփանյանը:
«BeeCross 2012» ավտոքրոսի մրցույթում` ավտոմեքենաների «А»դասում երկրորդ և երրորդ տեղը զբաղեցրեցին երևանաբնակ Արեգ Հակոբյանը և Ռոբերտ Առաքելյանը, ովքեր հանդես եկան համապատասխանաբար Վազ 2105 և Վազ 21011 մակնիշի ավտոմեքենաներով: Ավտոմեքենաների «В» դասում արծաթ և բրոնզ նվաճեցին Գուրգեն Սեֆիլյան և Կարեն Հարությունյան Peugeot և Վազ 21011 մակնիշի ավտոմեքենաներով: «С» դասի համապատասխան անվանակարգերը նվաճեցին Անդրանիկ Հարությունյանը (Honda Civic Type-R) և Լյուդվիգ Երմազյանը (Jeep Wrangler):
