Բրիտանացի երկամյա Փոփիին նրա հարազատները «թիթեռ-աղջիկ» են անվանում: Սակայն այս անվանման տակ իսկական ողբերգություն է թաքնված. փոքրիկը տառապում է բուլեզյան էպիդերմոլիզմով, գրում է Express-ը:
Դա գենետիկ հիվանդություն է, որի պատճառով մաշկն այնքան զգայուն է դառնում, որ այն նույնքան հեշտ է վնասելը, որքան թիթեռի թևիկները: Երեխայի մաշկը թեփոտում և շերտավորվում է, իսկ ցանկացած հպում նրան ցավ է պատճառում:
Օրական երկու անգամ ծնողները ստիպված են լինում վիակապել նրան, նրանք նույնիսկ չեն կարող գրկել և հանգստացնել փոքրիկին, քանի որ դա կարող է նրան անասելի ցավ պատճառել: Փոփին Բրիտանիայում այս հիվանդությամբ տառապող հինգ հազար երեխաներից մեկն է:
Երեխայի մայրը պատմում է, որ իր հարազատները և ինքը նույնպես տառապում են այս հիվանդությամբ, սակայն նրանց մոտ հիվանդության ավելի թեթև տեսակն է նկատվում:
Բժիշկներն առայժմ չգիտեն, թե ինչպես կզարգանա հիվանդությունը, քանի որ դրանից մահացու դեպքեր էլ են լինում, իսկ հիմնականում այն սահմանափակում է մարդու շարժումները: Աղջնակի ծնողները հուսով են, որ երբ երեխան մեծանա, կսովորի խուսափել պատահական վնասվածքներից, և նրա համար ավելի հեշտ կլինի տանել իր հիվանդությունը:
