Մեդիամագնատ Ռուպերտ Մերդոկը հետաքրքրված է Penguin հրատարակչության գնմամբ, որը անցած շաբաթ հայտարարել էր Random House-ի հետ հնարավոր միավորման մասին: News Corporation-ի ղեկավարը գրահրատարակչությանը առաջարկել է 1 մլրդ ֆունտ-սթեռլինգ: Այս մասին գրում է The Telegraph-ը:
Ինչպես հայտնի է դարձել անցած շաբաթ, Pearson հրատարակչատունը, որին Penguin-ը պատկանում է 1970-ից, բանակցություններ է վարում գերմանական մեդիահսկա Bertelsmann-ի հետ, որին է պատկանում Random House ընկերությունը: Pearson-ը հայտարարել է հրատարակչական ակտիվների միավորման մասին:
Գործարքի չափը գնահատվում է 2,4 մլրդ ֆունտ-սթեռլինգ: Այդ կերպ ընկերությունը կարող է դառնալ աշխարհում խոշորագույն հրատարակչատունը:
Բանակցություններն սկսվել են երկու ընկերությունների համար ճգնաժամային պահին, երբ գրքի ոլորտը վերջին 10 տարում «ենթարկվում է ցնցումների» Amazon-ի, Google-ի ու Apple-ի կողմից, որոնք մտադիր են «կասեցնել» կինոհրատարակիչների ավանդական բիզնեսը:
Գործարքի դեպքում Penguin-ը կօգներ News Corp-ի հրատարակչական ստորաբաժանման աճին:
News Corp.-ը ու Pearson-ը հրաժարվել են մեկնաբանություններից:
