Սլովենիայի մայրաքաղաք Լյուբլյանայի մոտ երկու գնացք բախվել են միմյանց, ինչի հետևանքով վիրավորվել է առնվազն 18 մարդ: Այս մասին հաղորդում է RIA Novosti-ն՝ վկայակոչելով 24ur.com պորտալը:
Ըստ այդ տեղեկության՝ Սերբիայից Ավստրիա շարժվող գնացքը տեղի ժամանակով ժամը 08:00-ին բախվել է Վիժմարե կայարանում կանգնած ուղևորատար գնացքին:
Վթարի պատճառները պարզվում են: Նախնական տվյալներով՝ ուղևորատար գնացքը սխալ ճանապարհով է ընթացել, ինչն էլ դարձել է բախման պատճառը:
Ուղևորներից ոչ ոք լուրջ վնասվածքներ չի ստացել, սակայն ոմանք տեղափոխել են հիվանդանոց:
Կանգնած գնացքը եղել է անսարք վիճակում, բախման պահին դրանում ուղևորներ չեն եղել:
