Ֆրանսիացի ռեժիսոր Լորեն Լևիի «Ուրիշ որդի» ֆիլմը ստացել է Տոկիոյի «Սակուրա Գրան Պրի» 25-րդ կինոփառատոնի գլխավոր մրցանակը,- հայտնում են կինոփառատոնի կազմակերպիչնեը:
Ֆիլմը պատմում է մի իսրայելցի երիտասարդի մասին, որը շատ պատահաբար՝ բանակ գնալու համար բուժզննում անցնելիս, իմանում է, որ ինքն իր ծնողների որդին չէ: Դրաման պատմում է ինքնության որոնման, կարծրատիպեր կոտրելու, իսրայելական և պաղեստինյան ընտանիքների համոզմունքների մասին:
Փառատոնի ծրագրում ընդգրկված է եղել մոտ 300 ֆիլմ:
Փառատոնը, որը համարավում է Ասիայի խոշորագույն կինոիրադարձությունը, տևել է 10 օր` հոկտեմբերի 20-ից 29-ը:
Փառատոնի առանձնահատոկությունը դրա ուղղվածություն է էկոլոգիայի և մոլորակի վրա մարդու կյանքի հարցերին: Դրա յուրահատուկ այցեքարտն է դարձել կանաչ գորգը, որը ստացվել է 44 000 պլաստիկե շշերի մշակումից: Կինոփառատոնի պաշտոնական գույնը 2008-ից կանաչն է:
