ՀԱԿ-ն ինչ-որ տեղ պասսիվացել էր, բայց ՀԱԿ-ին հաշվից դուրս թողնել չի կարելի: Այսօր լրագրողների հետ հանդիպման ժամանակ այս մասին ասաց ԱԺ ՀԱԿ խմբակցության պատգամավոր Լյուդմիլա Սարգսյանը՝ խոսելովվերջին շրջանում ՀԱԿ պասսիվության մասին:
Նա նշեց, որ ՀԱԿ-ին չի կարելի թերահավատորեն վերաբերվել, քանի որ, նրա հավաստիացմամբ, ՀԱԿ-ն իր ուժը դեռ ցույց կտա: Լյուդմիլա Սարգսյանի պարզաբանմամբ՝ չի եղել մի քաղաքական ուժ, որը կարողանար միավորել այսքան ուժերի և հինգ տարի գոյատևեր: «ՀԱԿ-ն այսօր նորից վերելք է ապրում, չի կարելի նրան հաշվից դուրս թողնել: Որոշ չափով ՀԱԿ-ըպասսիվացել էր, բայց մենք մեզ վերագտել ենք»,- ասաց ԱԺՀԱԿ խմբակցության պատգամավորը:
Անդրադառնալով ՀԱԿ անդամներ Գուրգեն Եղիազարյանի, Լևոն Զուրաբյանի և Նիկոլ Փաշինյանի հայտարարություններին ՀԱԿ-ԲՀԿ համագործակցության մասին՝ նա ասաց, որ Գուրգեն Եղիազարյանը, ասելով, թեՀԱԿ-ը հենց այսօր կհամագործակցի և՛ Ռոբերտ Քոչարյանի, և՛ Սերժ Սարգսյանի հետ, նկատի է ունեցել այն, որ երկիրը փրկելու համար կարելի է բոլորի հետ համագործակցել:
«Բայց երկու նախագահների մասով նկատի է ունեցել, որ նրանք թողնեն ուգնան: Իսկ Լևոն Զուրաբյանը, Նիկոլ Փաշինյանն իրենց առանձին կարծիքներն են արտահայտել, որոնք, ի վերջո, իմի են գալու՝ ինչպես միշտ: ՀԱԿ-ը դեռ նման որոշում չունի»,- հստակեցրեց բանախոսը:
Հարցին, թե վատ չի՞ զգում, որ ՀԱԿ-ը, իրեն անվանելով գաղափարական ուժ, պատրաստ է համագործակցել ԲՀԿ-ի հետ՝ ան ասաց, որ վատ չի զգում, քանի որ դեռևս չեն համագործակցում: Նա նաև չի համարում, որ ԲՀԿ-ն գաղափարական ուժ է: «Գիտենք, թե ինչ նպատակով է այն ստեղծվել, բայց այդ միավորըհնարավորություն ունի լրջագույն քաղաքական ուժ դառնալու, եթե ցանկանա: Նրանք այդ հնարավորությունն ունեն:Եթե չդառնան՝ ՕԵԿ-ի կողքին իրենց տեղը կզբաղեցնեն»,- կարծիք հայտեց Լյուդմիլա Սարգսյանը:
Խոսելով գալիք նախագահական ընտրությունների և նախագահի թեկնածուի շուրջ ՀԱԿ դիրքորոշման մասին՝ նա ասաց, որ ՀԱԿ-ում ընդգրկված բոլոր ուժերն այն կարծիքին են, որ ՀԱԿ-ը պետք է ունենա իր թեկնածուն՝ ի դեմս ՀԱԿ ղեկավար Լևոն Տեր-Պետրոսյանի: «Սակայն նաիր որոշման մասին հանրահավաքում կհայտարարի: Ընդհանրապես ՀԱԿ-ից նախագահի այլ թեկնածություն չի քննարկվել, ասեմ, որպեսզի բացառեմ բոլոր կարգի խոսակցությունները»,- նկատեց բանախոսը:
Անդրադառնալով «Ժառանգություն» – «Ազատ Դեմոկրատներ» ապահարզանին՝ Լ. Սարգսյանն ասաց, որ միավորումն արհեստածին էր, ուստի տրոհվեց բնականոն պատճառներով:
