Սիրիայի հարցով ՄԱԿ–ի և ԱՊԼ–ի հատուկ բանագնաց Լախդար Բրահիմին կիրակի երեկոյան կարճատև այցով ժամանել է Մոսկվա: Ինչպես սպասվում է, Լ. Բրահիմին երկուշաբթի օրը բանակցություններ կանցկացնի ՌԴ ԱԳ նախարար Սերգեյ Լավրովի հետ:
Հանդիպման ժամանակ նախատեսվում է քննարկել սիրիական ճգնաժամի շուտափույթ կարգավորման բոլոր հնարավոր քայլերը։ Ուրբաթ օրը Մոսկվայում ճեպազրույցի ժամանակ այս մասին հաղորդել է ՌԴ ԱԳՆ ներկայացուցիչ Ալեքսանդր Լուկաշևիչը:
«Մենք վստահ ենք, որ կոլեկտիվ աշխատանքը պետք է իրականանա Ժնևի շրջաբերականի հիման վրա, որը համաձայնացվել էր «գործողությունների խմբի» հանդիպման ժամանակ՝ հունիսի 30-ին»,- ընդգծել է Լուկաշևիչը:
