Ավստրալիայի Future Fund կենսաթոշակային պետական հիմնադրամը որոշել է վերանայել 219 մլն դոլար ավստրալական դոլարի (227.5 մլն ԱՄՆ դոլար) իր ներդրումները ծխախոտային ընկերությունների արժեթղթերում: Այս մասին հաղորդում է The Australian Financial Review-ն՝ վկայակոչելով հիմնադրամի կառավարիչ տնօրեն Մարկ Բուրջեսին:
80 մլրդ ավստրալական դոլար կառավարող Future Fund-ն իր հաշվին ունի այնպիսի ընկերությունների բաժնետոմսեր, ինչպիսիք են Philip Morris-ը, British American Tobacco-ն և Lorillard-ը:
Ավելի վաղ հիմնադրամը հրաժարվում էր վերանայել ներդրումները, իսկ կառավարությունը որոշել էր միջամտել նրա գործերին: Հիմնադրամին ծխախոտային ճյուղի մեջ ներդրումներ կատարելուց ստիպում են հրաժարվել առողջապահական և հասարակական կազմակերպությունները:
Բուրջեսը հրաժարվել է խոստովանել, որ իր ներկա որոշումն ընդունել է հասարակական ճնշման ներքո:
Ավստրալիայի կառավարությունն ակտիվ քարոզչություն է վարում ծխախոտի դեմ:
