Грузия Online-ի փոխանցմամբ՝ այսօր Վրաստանի խորհրդարանի հաստատմանն է ներկայացվել նոր կառավարության ծրագիրը, որը ստացել է «Հանուն ուժեղ, ժողովրդավար, միասնական Վրաստանի» անվանումը: Խորհրդարանում այն ներկայացրել է կառավարության նոր ղեկավար Բիձինա Իվանիշվիլին:
Նա հայտարարել է, որ տեղական ինքնակառավարման մարմինները (ՏԻՄ) մտադիր է ապահովել ուղիղ ընտրություններով ընտրված ներկայացուցիչներով:
Իվանիշվիլին հավաստիացրել է, որ սակրեբուլոն (մունիցիպալ հավաք), քաղաքապետները և գամգեբելին (տեղական վարչակազմի ղեկավար) լինելու են ընտրովի: Նրա խոսքերով՝ դա նաև վերաբերում է ինքնավար համայնքի մեջ մտնող գյուղերին:
Իվանիշվիլին խոստացել է ժողովրդին չբաժանել յուրայինների և օտարների, ինչպես նաև լայնամասշտաբ բարեփոխումներ իրականացնել ռազմավարական բոլոր ուղղություններով:
