Ահաբեկչական խմբավորման անդամները ավելի ու ավելի հաճախ են օգտագործում Facebook սոցցանցի հնարավորությունները՝ կողմնակիցների հավաքագրման նպատակով: ТСН գործակալության փոխանցմամբ` այս մասին ասվում է հոկտեմբերի 22-ի ՄԱԿ-ի «Ինտերնետի օգտագործումը ահաբեկչական նպատակներով» խորագրով հաշվետվությունում:
Զեկույցում նշվում է, որ օնյալն-ծառայությունների թրենդներից մեկը ծայրահեղական հռետորաբանության տարածումն է, որը արդարացնում է բռնության կոչերը:
Բացի Facebook-ից` նման տեղեկատվության տարածման աղբյուր են նաև Twitter-ն ու YouTube-ը:
Վերոնշյալ ընկերությունների ներկայացուցիչները դեռ չեն մեկնաբանել ՄԱԿ-ի զեկույցը:
Աշխատանքը ներկայացվել է Վիեննայում հանդիպման ժամանակ, որտեղ հավաքվել էին հակաահաբեկչական կազմակերպությունների ներկայացուցիչներ:
Գերմանիայի Սահմանադրության պահպանության դաշնային ծառայության ղեկավար Հանս-Գեորգ Մաասենը միջոցառմանը հայտարարել է, որ Facebook-ի նման սոցցանցերը գնալով ավելի մեծ նշանակություն են ձեռք բերում: Նա նկատել է, որ դրանց միջոցով ահաբեկիչները կարող են կապեր հաստատել՝ անկախ պետությունների սահմաններից:
