Երեկ՝ հոկտեմբերի 19-ին, ավտովթար է տեղի ունեցել Կոտայքի մարզում: Ժամը 12:00-ի սահմաններում, Նոր Հաճն քաղաքի Թումանյան 5 շենքի բնակիչ, 30-ամյա Հրաչ Հակոբյանը, վարելով «Օպել Աստրա» մակնիշի 32 ԼԼ 952 համարանիշի ավտոմեքենան, Աբովյան-Արզնի ավտոճանապարհի 1-ին կիլոմետրին դուրս է եկել ճանապարհի երթևեկելի գոտուց և բախվել ծառին:
Ինչպես հայտնում է shamshyan.com-ը՝ վթարի հետևանքով ուղևորներ, Աբովյան քաղաքի բնակիչներ՝ 28-ամյա Գայանե Գալստյանն ու 39-ամյա Ռոբերտ Կյուրեղյանը մարմնական վնասվածքներով տեղափոխվել են Աբովյանի բժշկական կենտրոն:
Վթարի վայր են ժամանել Ճանապարհային ոստիկանության 2-րդ սպայական գումարտակի 3-րդ վաշտի աշխատակիցները՝ վաշտի հրամանատար Արսեն Գրիգորյանի գլխավորությամբ: Փաստի առթիվ Ոստիկանության Կոտայքի քննչական բաժնում նյութեր են նախապատրաստվում:
