Երևանի քաղաքապետ Տարոն Մարգարյանը, ով հրավիրում ու թանկարժեք նվերներ է տալիս ռուս աստղերին, հայտնի է, որ թանկարժեք քանդակ է նվիրել Անաստասիա Վոլոչկովային, նոր հարկեր ու տուրքեր է մտածել երևանցիների համար: Ըստ այդմ` այսուհետ «Երևան» բառը ընկերության անվանման մեջ օգտագործելու համար տնտեսվարողը պիտի ստանա քաղաքապետարանի թույլտվությունը: Հակառակ դեպքում նրան տուգանքներ են սպառնում` 80 հազարից 100 հազար դրամ:
Կառավարության վերջին նիստում Տարոն Մարգարյանը մի շարք փոփոխություններ է առաջարկել` հիշեցնելով, որ «Ֆիրմային անվանումներում թույլտվություն պահանջող անունների ու անվանումների օգտագործման կարգի» 3-րդ կետով սահմանվում է, որ եթե Հայաuտանի վարչատարածքային միավորի անվանման oգտագործմամբ ֆիրմային անվանումն իրավաբանական անձը բնորոշում է որպեu տվյալ վարչատարածքային նշանակության uուբյեկտ, ապա անհրաժեշտ է uտանալ մարզի անվանման համար` համապատաuխան մարզպետի, «Երևան» բառն oգտագործելու համար` Երևանի քաղաքապետի, Հայաuտանի Հանրապետության այլ քաղաքների ու գյուղերի անվանումների համար` համապատաuխան քաղաքապետի կամ գյուղապետի թույլտվությունը: Ուստի Տարոն Մարգարյանն առաջարկում է փոփոխություն կատարել Վարչական իրավախախտումների վերաբերյալ օրենքում և տուգանքներ սահմանել առանց թույլտվության Հայաստանի Հանրապետության վարչատարածքային միավորների՝ (համայնքների ) անվանումները ֆիրմային անվանումներում օգտագործելու դեպքում:
Ի դեպ, հայտնի է, որ ազգային անվանումները ընկերությունների անուններում օգտագործելը բավական թանկ հաճույք է. «Հայաստան», «հայ», «հայկական» բառերը ֆիրմային անվանումներում կիրառելու դեպքում գործարարը պետք է տարեկան 600 հազար դրամ պետտուրք վճարի: «Երևան» բառի օգտագործման համար Տարոն Մարգարյանը դեռ գումար չի ուզում, սակայն պահանջում է, որ քաղաքապետարանից թույլտվություն խնդրեն այդ բառը ֆիրմայի անվանման մեջ կիրառելու համար, հակառակ դեպքում` տուգանքների սահմանում:
Երևանի քաղաքապետը որոշել է նաև տուգանքներ սահմանել առանց թույլտվության հասարակական սննդի կազմակերպման և իրացման համար: Ընդ որում` այդպիսին կարող է դիտվել փողոցային առևտուրը: Ըստ այդմ` առանց թույլտվության հասարակական սննդի կազմակերպման և իրացման դեպքում Տարոն Մարգարյանն առաջարկում է պաշտոնատար անձին տուգանել 80 հազարից 100 հազար դրամով, իսկ սովորական մահկանացուներին` 50 հազարից 70 հազար դրամով: Եթե մեկ տարվա ընթացքում արարքը կրկնվի, ապա պաշտոնյաները ստիպված կլինեն վճարել 100 հազարից 150 հազար դրամ տուգանք, իսկ քաղաքացիները` 80 հազարից 100 հազար դրամ:
Առաջարկվում է հանրային սննդի պատրաստման և իրացման օբյեկտների անալոգիայով տեղական տուրք գանձել նաև ոգելից խմիչք և ծխախոտի արտադրանք իրացնող զվարճանքի օբյեկտներից, ապահովել «Երևան քաղաքում տեղական ինքնակառավարման մասին» ՀՀ օրենքի 96-րդ հոդվածի 1-ին մասի 3-րդ կետի պահանջի կատարման օրենսդրական հնարավորություն և հանրային սննդի պատրաստման և իրացման օբյեկտներին գործունեության թույլտվություն տալու համար սահմանել տեղական տուրք…
Քաղաքապետի հիմնավորմամբ, առաջարկվող փոփոխությունների և լրացումների արդյունքում համայնքային բյուջեն կունենա հավելյալ մուտքեր, իսկ առանց թույլտվության հասարակական սննդի կազմակերպման և իրացման, ինչպես նաև առանց թույլտվության Հայաստանի Հանրապետության վարչատարածքային միավորների անվանումները ֆիրմային անվանումներում oգտագործելու դեպքերում պատասխանատվություն սահմանելու նպատակ է հետապնդում… Նշենք, որ Տարոն Մարգարյանի առաջարկն ընդունվել է և առաջիկայում օրենքի փոփոխությունը կներկայացվի ԱԺ:
