Հանգստյան օրերին Շվեդիայի մի շարք շրջաններում կարող է նկատվել հազվադեպ օդերևութաբանական ֆենոմեն՝ «արյունոտ անձրև»: Այս մասին հաղորդում է տեղի Local ինտերնետ-պարբերականը՝ վկայակոչելով օդերևութաբաններին:
«Արյունոտ անձրևը» օդերևութաբանները հազվադեպ երևույթ են համարում. դրա դեպքում տեղումներն ունենում են կարմրավարդագույն երանգ: Գիտնականները և օդերևութաբանները ենթադրում են, որ դա տեղի է ունենում անձրևի կաթիլների մեջ Սահարայի անապատային տարածքից փուշու կուտակման պատճառով:
Դանիացի օդերևութաբանները հայտնել են, որ հենց այդպիսի փոշոտ անձրև կարող է տեղալ սկանդինավյան իրենց հարևանի՝ Շվեդիայի հարավային շրջաններում:
Շվեդիայի օդերևութաբանական ինստիտուտի ներկայացուցիչ Յոկիմ Լանգների խոսքերով՝ այդ երևույթն իրենից վտանգ չի ներկայացնում, այն պարզապես կարմրավուն հետքեր է թողնում: Նա նշել է, որ նախկինում Շվեդիայի տարածքում «արյունոտ անձրև» տեղացել է 5 տարի ընդմիջումներով, սովորաբար երևույթը գրանցվում է գարնանը:
