Ըստ վիճակագրության` կանանց մոտ 60 %-ը և տղամարդկանց 40%-ը կանոնավորապես «ձախ է գնում»: Ցանկացած մարդու դավաճանությունը ներելը շատ դժվար է: Ախր մենք նրան ընդունում ենք որպես մեր երկրորդ կես:
Բացի դրանից` և՛ կինը, և՛ տղամարդը խորանի առջև երդվել են հավատարիմ լինել միմյանց: Դուք տանջվում եք և մտածում` արժե՞ ներել ամուսնու կամ կնոջ դավաճանությունը: Իսկ եթե ամեն դեպքում ներել, ապա ինչպե՞ս ապրել դրանից հետո` չհիշելով թանկ և հոգեհարազատ մարդու դավաճանությունը:
Ինչպես ներել
Մտածե՛ք Ձեր կնոջ կամ ամուսնու հետ հարաբերությունների շուրջ: Մանրամասնորեն վերլուծե՛ք համատեղ կյանքը` սկզբից մինչև ներկա: Բացարձակապես կարևոր չէ` որքան ժամանակ եք դուք միասին ապրել` 1 տարի, թե 20: Մտածե՛ք և պատասխանե՛ք միակ հարցին` իսկ դուք իսկապե՞ս ուզում եք պահպանել այդպիսի հարաբերությունները:
Միայն եթե ձեզ կապում է սերը, և փոխադարձաբար միմյանց հասկանում եք, արժե ներել: Իսկական սերը հաղթահարում է բոլոր խոչընդոտներն ու դժվարությունները, սակայն կա՞ այս զգացմունքը ձեր հարաբերություններում:
Հնարավոր է` դավաճանությունը միակ խնդիրը չէ, և ձեր ամուսնությունը պահպանելն անիմաստ է: Սակայն ներելը չափազանց դժվար կլինի, եթե դուք իսկապես սիրում եք միմյանց:
Ձեր երկրորդ կեսի սիրավեպն ուրիշի հետ պարտադիր չի նշանակում ամուսնության ավարտ: Արժե դավաճանությանն այլ աչքերով նայել: Մենք բոլորս թերություններ ունենք: Եվ եթե Դուք սիրում եք Ձեր ամուսնուն կամ կնոջը` նրան ընդունե՛ք նրա թերություններով հանդերձ:
Դավաճանությունը նաև առիթ է ևս մեկ անգամ մտածելու սեփական անձի, նաև այն մասին, թե ինչ անել ամուսնության հետագա ամրապնդման համար: Տվյալ դեպքում ներելն այդքան էլ դժվար չէ:
Նյարդերը պահպանելու համար կարելի է այցելել ընտանեկան հոգեբանի: Մի՛ մոռացեք, որ Ձեզ և Ձեր ամուսնուն կամ կնոջը ժամանակ է պետք տեղի ունեցածը մոռանալու համար: Իսկ ժամանակը, ինչպես հայտնի է, բուժում է բոլոր վերքերը:
Ձեզ պատկերացրե՛ք Ձեր երկրորդ կեսի փոխարեն և փորձե՛ք հասկանալ դավաճանության պատճառները: Հնարավոր է` Դուք նրան ինչպես հարկն է` չեք բավարարում անկողնում: Ի վերջո, ֆիզիկակակն դավաճանությունը միշտ չի նույնացվում հոգեբանականի հետ:
Ներելու ունակությունն ամենաբարձր առաքինություններից է: Լավ մտածելով ամեն ինչի մասին և հասնելով խնդրի արմատներին` հնարավոր է ներել դավաճանությունը:
