Աֆղանստանի նախագահ Համիդ Քարզայը հայտարարել է, որ չի կարող երաշխավորել ԱՄՆ-ի և ՆԱՏՕ-ի զինծառայողների դատական անձեռնմխելիությունը, որոնք կմնան երկրում 2014 թ. միջազգային կոալիցիայի զորքերի դուրս գալուց հետո:
ՆԱՏՕ-ի գլխավոր քարտուղար Անդերս Ֆոգ Ռասմուսենի հետ բանակցություններից հետո Քարզայն ասել է, որ աֆղան ժողովուրդը, հնարավոր է, «թույլ չի տա իր կառավարությանը երաշխավորել դատական անձեռնմխելիություն»:
«Չնայած այն բանին, որ ժողովուրդն աղքատ է և ապրում է աղքատության մեջ, առաջին հերթին նա ուզում է որպեսզի հարգվի իր ազգային ինքնիշխանությունը, անվտանգություն է ցանկանում իր երկրի և երեխաների համար»,- հայտարարել է Քարզայը:
Հիշեցնենք. ՆԱՏՕ-ի գլխավոր քարտուղար Անդերս Ֆոգ Ռասմուսենը դաշինքի պատվիրակության կազմում գտնվում է Աֆղանստանում: