Грузия Online-ի փոխանցմամբ՝ Աջարիայի Գերագույն ընտրական հանձնաժողովն ամփոփել է հոկտեմբերի 1-ին անցկացված ինքնավարության Գերագույն խորհրդի ընտրությունների վերջնական արդյունքները:
Ամփոփիչ արձանագրության համաձայն՝ «Վրացական երազանք» դաշինքն Աջարիայում համամասնական և մեծամասնական ընտրակարգով ստացել է 13 մանդատ, իսկ «Միասնական ազգային շարժում» կուսակցությունը՝ 8 մանդատ: Ընտրություների արդյունքները վիճարկելու համար կողմերին տրվել է երկու օր:
Աջարիայի Գերագույն խորհրդի նոր կազմը հավաքվելու է հոկտեմբերի 31-ին: Աջարիայում գրանցվել է 304,930 ընտրող: Ընտրություններին մասնակցել է 184,310 մարդ: Անվավեր է ճանաչվել 5072 քվեաթերթիկ: Քվեարկության արդյունքներն անվավեր են ճանաչվել միայն 33-րդ ընտրատարածքում՝ լուրջ օրինախախտումների պատճառով:
