Գերմանիայում դատարանը ատամնաբույժին տուգանել է 1500 եվրոյով, քանի որ նա հրաժարվել է աշխատանքի ընդունել երիտասարդ մահմեդական կնոջ, որն ավանդական հագուստ (հիջաբ) է կրել:
Դատարանում բժիշկն ընդունել է, որ կինը բոլոր անհրաժեշտ հմտություններն ունեցել է, որպեսզի օգնական աշխատի, սակայն պնդել է, որ ինքը իրավունք ունի կրոնական չեզոքություն պահպանելու:
Դատարանը մերժել է ատամնաբույժի բոլոր փաստարկները և որոշել, որ նա խախտել է օրենքը` հաղորդում է Zman.com-ը:
Նշենք, որ Գերմանիայի բնակչությունը կազմում է գրեթե 81 մլն մարդ, որոնցից 4 մլն-ը մահմեդականներ են: Հիմնականում նրանք ներկայացնում են թուրքական համայնքը:
