Վրաստանի նախագահ Միխեիլ Սաակաշվիլու ինքնաթիռը ստիպված է եղել վերադառնալ և հարկադրված վայրէջք կատարել Բուխարեստի օդանավակայանում` անսարքությունների պատճառով: ИТАР-ТАСС-ը, հղում անելով Օտպեն միջազգային օդանավակայանի մամլո քարտուղար Վալենտինա Իորդակեին, փոխանցում է, որ նախագահական Boeing-ի օդաչուներն արտակարգ վայրէջքի թույլտվություն են խնդրել օդ բարձրանալուց անմիջապես հետո:
Մամլո քարտուղարը հայտնել է, որ ինքնաթիռի վիճակը նորմալ է, անսարքություն չի հայտնաբերվել: Այսօր երեկոյան նախագահը տուն կվերադառնա:
Սաակաշվիլին Ռումինիայի մայրաքաղաքում մասնակցել է Եվրոպական ժողովրդական կուսակցության կոնգրեսին, որի ընթացքում նա բանակցություններ է վարել իր ռումինացի գործընկեր Տրայան Բեսեսկուի հետ: Ռումինական հեռուստաընկերությունը հայտնել է, որ սկզբում Բեսեսկուն Սաակաշվիլուն կատակով առաջարկել է միասին լացել, քանի որ երկու երկրներում էլ իշխանության գլուխ են անցել ընդդիմությունները:
