Մոլդովան ռազմական հզորությամբ չի կարող մրցել այնպիսի տերության հետ, ինչպիսին Ռուսաստանն է: Ուստի մերձդնեստրյան հակամարտությունը պետք է հարթեն ԱՄՆ-ը և ԵՄ անդամ երկրները։ Այս մասին, ըստ rosbalt.ru-ի, հայտարարել է մոլդովացի լիբերալների ղեկավար Միհայ Գիմպուն։
«Ռուսաստանը չի ուզում հաշտվել այն մտքի հետ, որ մենք ռումինացիներ ենք: Նրանք ցանկանում են պահել այդ չճանաչված հանրապետությունը: Մենք չենք կարող մրցել Ռուսաստանի հետ: Սակայն այստեղ պետք է ավելի համառ լինեն ԱՄՆ-ը, ԵՄ-ն և ԵԱՀԿ-ն»,- կարծում է նա:
VESTI.MD-ի հաղորդմամբ` մեկնաբանելով կոմունիստների` ռազմական գործողությունների վերսկսման մասին հայտարարությունը` Գիմպուն նկատել է. «Կոմունիստները կարող են ամեն ինչ ընդունել, միայն թե նորից իշխանության գան: Պատերազմի մասին հայտարարությունը ևս կարող է բնակչությանն իշխանության դեմ տրամադրել: Պատերազմն անցավ: Ո՞ւմ հետ ենք կռվելու: Ռուսաստանի՞ հետ: Եկեք լուրջ խոսենք»:
Ըստ նրա` Մոլդովան պետք է «գնա իր ճանապարհով» և եվրաինտեգրացիոն համաձայնագրեր կնքի:
Վերջերս մոլդովական ԶԼՄ-ները հայտնում էին, որ Մոլդովան Ամերիկայի կառավարությունից 1,6 մլն դրամ գրանտ է ստանալու, որը կուղղվի երկրի ազգային բանակի արդիականացմանը:
