Ֆրանսիայի արտգործնախարար Լորան Ֆաբիուսը պնդում է, որ Ռուսաստանը նախկինում բանակցությունների ժամանակ քննարկել է Սիրիայի նախագահ Բաշար Ալ-Ասադի հրաժարականի տարբերակը, սակայն հիմա այդ դիրքորոշումը փոխել է:
«Ռուսատսանը մեզ ասում է, թե չենք կարող փոխել իրավիճակը, քանի որ դա կհանգեցնի քաոսի: Ինչո՞ւ են նրանք աջակցում Ասադին, չնայած դեռ մի քանի ամիս առաջ մեր բանակցություններում նրանք ուսումնասիրում էին Ասադի հրաժարականի հավանականությունը: Ես չեմ կարող դա բացատրել»,- ասել է Ֆաբիուսը:
Ռուսական կողմը բազմիցս հայտարարել էր, որ չի պաշտպանում Բաշար Ալ-Ասադի վարչակարգը, այլ հանդես է գալիս ի պաշտպանություն սիրիացի ժողովրդի:
