Անսպասելի, անգամ երջանիկ լուրից ադրենալինի արտազատումը կհանգեցնի սրտի հետ կապված խնդիրների: Այսկերպ շոկը կարող է մահացու լինել ու կարևոր չէ, թե ինչ պատճառով է այն հարուցվել՝ մտերիմ մարդու մահվան լուրով, թե լոտոյից վաստակած գումարի ուրախությունից:
Այսպիսի եզրակացության են եկել Գերմանիայի հյուսիսում գտնվող Ռոստոկ համալսարանական կլինիկայի հետազոտողները:
Հետազոտողները պարզել են, որ անսպասելի բացահայտումները կարող են օրգանիզմում հանգեցնել պոտենցիալ մահացու աղետի, այսպես կոչված «կոտրված սրտի ախտանիշի»:
Գիտնականների խոսքով՝ նորությունը կամ իրադարձությունը կարող է մարդու օրգանիզմին ստիպել արտադրել մեծ քանակությամն սթրեսի հորմոններ, ներառյալ ադրենալին, ինչը կարող է նեղացնել գլխավոր զարկերակները, որոնք արյուն են մատակարարում սրտին:
Դա կաթվածահար է անում սրտի խոռոչները՝ խախտելով ռիթմը, ինչպես ինֆարկտի ժամանակ, ասվում է հրատարակության մեջ:
Զոհը դժվարանում է շնչել, սուր ցավ է զգում կրծքում ու կարող է թուլություն զգալ:
Որոշ մարդիկ մեռնում են, մյուսներն ուշքի գալիս, եթե ստանում են շտապ բուժօգնություն:
