Նյու Յորքում Sotheby’s-ի աճուրդի ժամանակ վաճառվելու է ամենաթանկարժեք նկարիչներից մեկի` Պաբլո Պիկասոյի ինը նկարներ։ Այս մասին գրում է ArtDaily-ն:
Աճուրդի թոփ-լոտ կդառնան նկարչի վրձնին պատկանող երկու կտավ, որոնք պատկերում են Պիկասոյի մուսա և սիրուհի Մարի-Թերեզ Վալտերին։ «Կակաչներով նատյուրմորտ» կտավը գնահատվում է 35-50 միլիոն դոլար, իսկ «Կինը պատուհանի մոտ» կտավը՝ 15-20 միլիոն դոլար:
Բացի այդ, աճուրդի կհանվի լոլիկների թուփ պատկերող կտավը (10-15 միլիոն դոլար), «Բռնաբարություն» անունը կրող նկարը (4-6 միլիոն դոլար) և այլն:
Sotheby’s-ի աճուրդը տեղի կունենա նոյեմբերի 5-ին՝ Նյու Յորքում: Վաճառքի կհանվեն ինչպես մասնավոր հավաքածուներում, այնպես էլ ամերիկյան թանգարաններում պահվող կտավներ:
Բացի կտավներից, աճուրդի կդրվեն նաև քանդակագործ Հենրի Մուրի աշխատանքները
