Asus ընկերությունը ներկայացրել է PadFone 2-ը՝ պլանշետի տեսքով միակցիչ կայանով սմարթֆոնի երկրորդ մոդելը: Նախորդի համեմատ այն ունի ընդլայնված էկրան՝ 720×1280 պիքսել խտությամբ, 4,7 դյույմ անկյունագծով: Էկրանը հիմնված է IPS մատրիցայի վրա: Այն Asus-ի համար պատրաստել է Sony ընկերությունը:
Երկմիջուկանի պրոցեսորի փոխարեն ապարատում ներդրվել է քառամիջուկ պրոցեսոր՝ 1,5 գիգահերց տակտային հաճախականությամբ: Օպերատիվ հիշողության ծավալը կրկնակի մեծացել է՝ կազմում է 5 գբ: Այս մասին հայտնում է Lenta.ru-ն:
Սմարթֆոնն ունի երկու տեսախցիկ՝ 1,2 և 1,3 մեգապիքսել հզորությամբ: Ապարատը շուկա կմատակարարվի 3 մոդիֆիկացիաներով 16, 32 և 64 գբ հիշողություններով:
Ապարատն ունի Bluetooth, NFC, GPS: Հյուսիսային Ամերիկայում, Ավստրալիայում և Ճապոնիայում կմատակարարվեն ապարատներ, որոնք կկարողանան միանալ LTE ցանցերին:
Միակցիկ կայանի կորպուսը շնորհիվ ներդրված մարտկոցի հզորության ավելի բարակ է դարձել: Պլանշետի էկրանի անկյունագիծը նախկինի պես 101 դյույմ է՝ 1280×800 խտությամբ:
PadFone 2-ը աշխատում է Android 4.0.4 օպերացիոն համակարգով: Որոշ երկրներում այն վաճառքում կհայտնվի արդեն հաջորդ շաբաթ: Առանց դոկ կայանի սմարթֆոնը կարժենա 620-750 դոլար:
