2012թ. Տնտեսագիտության Նոբելյան մրցանակը, որը 1968-ից որոշվել է շնորհել Շվեդիայի Պետբանկի կողմից՝ ի հիշատակ Ալֆրեդ Նոբելի, ստացել է Էլվին Ռոտը (ԱՄՆ, Հարվարդի համալսարան) և Լլոյդ Շեփլին (ԱՄՆ, Կալիֆոռնիայի համալսարան): Այս մասին հաղորդում է RIA Novosti-ն:
Ինչպես այսօր հայտնել են Շվեդիայի գիտությունների թագավորական ակադեմիայից, նրանք այդ մրցանակն ստացել են գործնականում շուկայական ինստիտուտների տեսության մշակման համար:
Այս մրցանակի ազդարարմամբ ավարտվել է 2012թ. Նոբելյան դափնեկիրների անունների հրապարակումը, որը Ստոկհոլմում մեկնարկել էր հոկտեմբերի 8-ից:
Տնտեսագիտության ոլորտում Նոբելյան մրցանակի մասին հիշատակություն Ալֆրեդ Նոբելն իր կտակում չի նշել, սակայն այս ոլորտում նույնպես պարգևը տրվելու է դեկտեմբերի 10-ին, Ստոկհոլմում` Ալֆրեդ Նոբելի (1833-1896) մահվան օրը:
