Մայնի Ֆրանկֆուրտի Կապի թանգարանի աշխատակիցները մեկ վայրում էին համատեղել գերմանական խոհեմության ամենափայլուն ապացույցները, որոնք հասնում են նույնիսկ աբսուրդի:
Հոդվածագիրը նշում է, թե ինչ պետք չէ անել, եթե նույնիսկ շատ ես ցանկանում. լվացքի մեքենայում երեխաներին և կենդանիներին լվանալ չի կարելի, մարմնի վրա հագուստն արդուկել ևս չի կարելի, հասարակական զուգարանում զուգարանակոնքի վերևի ցուցանակը հիշեցնում է, որ այդտեղի ջուրը խմելու համար նախատեսված չէ և այլն:
Ֆրանկֆուրտյան թանգարանի աշխատակցուհի Ռեգինա Մելդտը նշում է. «Այս ամենը ամենահիմար ցուցումների համար հայտարարված մրցույթի արդյունքն է: Ընդունվել է 250 հայտ, որոնցից ընտրվել են գերմանական կարգուկանոնը վերարտադրող լավագույն 50 ցուցումները»:
Խոհեմությունը պարզապես ցնցում է. սայլակից պետք է երեխային հանել պառկեցնելուց առաջ, շաղափը չի կարելի օգտագործել անձնական հիգիենայի համար, արտադրողները զգուշացնում են, որ ասեղն օգտագործելիս կարող եք ծակել ինքներդ ձեզ, մի գնացեք զբոսնելու ատրճանակով, մի փորձեք լուցկու միջոցով ստուգել բենզաբաքի պարունակությունը…
Գերմանիայում այս ցուցումներն ինքնանպատակ չեն. պատճառը անհեթեթություններից ծնված դատական գործընթացներն են:
