Մինչ Գյումրիի քաղաքապետ դառնալը Սամվել Բալասանյանը հեղինակել էր «Գյումրի քաղաքի վերականգնման մասին» օրինագիծը, որով թերևս ուզում էր մի շարք արտոնություններ սահմանել Գյումրիի համար: Ըստ այդմ` Սամվել Բալասանյանն ուզում է, որ օրենքով արտոնյալ վարկեր տրամադրվեն Գյումրի քաղաքում գրանցված և արտադրական շինարարություն իրականացնող իրավաբանական անձանց: Ոչ պակաս, քան 30 տոկոս հաշմանդամ աշխատողներ ունեցող կազմակերպությունների համար ավելացված արժեքի հարկը հաշվարկվի 50 տոկոսով: ՀՀ օրենքով փոքր և միջին ձեռնարկատիրության զարգացման համար հատկացվող ամենամյա գումարի առնվազն 30 տոկոսն ուղղվի Գյումրի քաղաքում համապատասխան ծրագրերի իրականացմանը և այլն: Այժմ օրինագծի հեղինակ է դարձել ԲՀԿ-ական Արագած Ախոյանը: Փաստորեն, Բալասանյանն իր օրինագիծը ժառանգել է «իր» Ախոյանին:
