Pricewaterhouse Coopers-ի (PwC) հետազոտողները ներկայացրել են «Հնարավորությունների քաղաքներ-2012» ամենամյա հետազոտության արդյունքները, որում համաշխարհային տնտեսության 27 խոշորագույն մայրաքաղաքները գնահատվել են 60 չափորոշիչով՝ տասը հիմնական անվանակարգու:
Վարկանիշային աղյուսակի առաջին երեք հորիզոնականները զբաղեցրել են Նյու Յորքը, Լոնդոնը և Տորոնտոն: Մոսկվան այս տարի ևս ընդգրկվել է համաշխարհային տնտեսական մայրաքաղաքների թոփ 20-ի մեջ` զբաղեցնելով 20-րդ հորիզոնականը Շանհայից հետո: Նրան հաջորդում են Աբու Դաբին, Բուենոս Այրեսը, Ստամբուլը, Յոհաննեսբուրգը, Սան Պաուլոյն և Մումբան:
«Տնտեսական ազդեցություն» անվանակարգում Ռուսաստանի մայրաքաղաքը մտել է առաջին տասնյակի մեջ և զբաղեցրել ութերորդ հորիզոնականը:
Մոսկվան «կայուն զարգացման» անվանակարգում յոթերորդ հորիզոնականում է Փարիզի հետ: Ռուսաստանի մայրաքաղաքը երրորդ հորիզոնականում է «քաղաքի կանաչապատ մակերեսներ» անվանակարգում. այն հաջորդում է Ստոկհոլմին և Փարիզին, նախորդում՝ Նյու Յորքին ու Սան Ֆրանցիսկոյին:
Նշենք նաև, որ Մոսկվան առաջինն է տարրական դպրոցում սովորող աշակերտների թվի ցուցանիշով:
