ՄԱԿ-ի Հեռահաղորդակցության միջազգային միության կոնֆերանսը կայանալու է 2012 թ. դեկտեմբերի 3-14-ը: Կոնֆերանսին մասնակցելու է նաև ՀՀ տրանսպորտի և կապի նախարարության պատվիրակությունը: Այս մասին «Առաջին լրատվական»-ին հայտնեցին նախարարությունից:
Հիշեցնենք, որ կոնֆերանսի ընթացքում կվերանայվի 1988 թ-ին սահմանված և ներկայում գործող կարգը, որը հեռահաղորդակցությունը սահմանում է որպես «ազդանշանի ստացում, հաղորդում, բայց ոչ մշակում»: Փաստորեն, քննարկվելու է ինտերնետը վերահսկելու թույլտվություն տրամադրող փաստաթուղթը:
