Նոյեմբերի 1-ին, ժամը 04.30-ին, ոստիկանության քրեական հետախուզության գլխավոր վարչության և Ինտերպոլի ԱԿԲ ծառայողների կողմից Վիեննա-Երևան չվերթով ՀՀ է տեղափոխվել 1970 թ. ծնված Արման Գ.-ն, որը 1997 թ. հունվարի 20-ից Շենգավիթի բաժնի կողմից հետախուզվում էր ՀՀ քրեական օրենսգրքի 175 հոդվածի 3-րդ մասի 1-ին կետի մեղադրանքով:
Արման Գ.-ն հանձնվել է Շենգավիթի բաժնի ծառայողներին:
Հոկտեմբերի 31-ին, ժամը 17.10-ին, ոստիկանության քրեական հետախուզության գլխավոր վարչության ծառայողների կողմից ՌԴ Դոնի Ռոստով քաղաքից ինքնաթիռով ՀՀ է տեղափոխվել 1973 թ. ծնված Պետրոս Մ.-ն, որը 2007 թ. հունիսի 4-ից Էրեբունու բաժնի կողմից հետախուզվում էր ՀՀ քրեական օրենսգրքի 177 հոդվածի 2-րդ մասի 4-րդ կետի մեղադրանքով:
Խափանման միջոցը՝ կալանք:
Պետրոս Մ.-ն հանձնվել է ոստիկանության Էրեբունու բաժնի ծառայողներին:
