Microsoft ընկերությունն իր բլոգում հայտարարել է Office 2013-ի RTM տարբերակի թողարկման մասին:
Օգտատերերը կարող են ծանոթանալ նոր Office-ի հետ այս ամսվա վերջին` գնելով պլանշետ` Windows RT-ի հիմքի վրա, որում այն առաջարկվելու է օպերացիոն համակարգում ներառված: Նոր արտադրանքը լայնածավալ վաճառքի դուրս կբերվի 2013 թ. սկզբին:
RTM (Release to Manufacturing) տարբերակի թողարկումը ծրագրային արտադրանքի մշակման գործընթացում ստանդարտ փուլ է, որի ընթացքում այն ուղարկվում է բազմացման:
Microsoft-ի նոր Office-ն անվանում են «ամենաամբիցիոզ թողարկումը» ողջ ընթացքում: Այն ներառում է Office-ի ծրագրային բոլոր առաջարկները, ունի նոր ձևավորում, բարելավված է սենսորային էկրանի համար և նոր միջոցներ է ընձեռում շփման, ընթերցման, գրառումների անցկացման, հանդիպումների նախատեսման և փոխհամագործակցության համար:
Office 2013 փաթեթի արժեքը սկսելու է 140 դոլարից` կախված խմբագրված տարբերակից:
Նախատեսվում է նոյեմբերին Office 365-ի թարմացում` կորպորատիվ հաճախորդների համար:
