Հոկտեմբերի 10-ին լրացել է Հռոմի պապի նախկին անձնական սպասավոր Պաոլո Գաբրիելեի գործի վերաբերյալ Վատիկանի տրիբունալի վճիռը բողոքարկելու համար սահմանված վերջնաժամկետը: Գաբրիելեն մեղադրվում էր գաղտնի փաստաթղթերի գողության համար:
Դատապարտվածի փաստաբան Քրիստիանա Արրուն խոստովանել է, որ ինքը չի բողոքարկել վճիռը: Այս մասին տեղեկություն են տարածել Catholic World News (CWN) և ANSA գործակալությունները:
Պաոլո Գաբրիելեն դատապարտվել է 18-ամսյա բանտարկության: Կա ենթադրություն, որ նրա չբողոքարկելը կապված է այն բանի հետ, որ նա հույս ունի Հռոմի պապ Բենեդիկտոս XVI-ից ներում ստանալու:
Վատիկանի մամլո քարտուղարության ղեկավար ֆեդերիկո Լոմբարդին հաստատել է, որ Գաբրիելեին ներում շնորհելը լիովին հավանական է, հայտնում է Седмица.ru-ն:
