Ռուսական Интерфакс լրատվական գործակալության փոխանցմամբ՝ ԱՄՆ-ը ձախողում է «Վեցյակի» հետ (ՄԱԿ ԱԽ մշտական անդամներ ԱՄՆ, Ռուսաստան, Չինաստան, Ֆրանսիա, Մեծ Բրիտանիա, ինչպես նաև Գերմանիա) բանակցությունները: Այս մասին հայտարարել է Իրանի ԱԳՆ-ի պաշտոնական ներկայացուցիչ Ռամին Մեհմանպարաստը:
Ըստ Մեհմանպարաստի՝ ԱՄՆ-ը չի ձգտում խնդրի լուծմանը և փոխարենը միայն խոչընդոտներ է հարուցում Իրանի ու «Վեցյակի» միջև բանակցություններում առաջընթաց գրանցելու հարցում: Իրանցի դիվանագետն ԱՄՆ-ին նաև քննադատել է կապված նրա միջուկային գործունեության հետ.
«Վաշինգտոնն Իրանին մեղադրում է միջուկային ռումբ ստեղծելու ձգտման մեջ, և դա այն դեպքում, երբ ԱՄՆ-ն ինքն ունի միջուկային զենքի հսկայական պաշարներ և անգամ իրեն թույլ է տալիս գործածել այն»:
